حسابات عيادتك بجيبتكعيادتك بجيبتك

بصراحة كنت واجه مشاكل كتيرة بالسجلات الورقية من حيث مواعيد المرضى وحسابات المرضى والتاريخ الطبي تبعهم، لانو بيتصل فيني المريض خارج اوقات الدوام، ايما وقت الغداء او مساءً وبيطلب مني موعد ودفتر المواعيد مو معي. لحتى نزلت تطبيق سجلي كير على جوالي، تطبيق ريحني كتير لان دفتر المواعيد صار معي، بعطي موعد للمريض بالوقت المناسب الي والمتوفر الي وبيبعتلو رسالة واتساب للمريض بذكرو فيه. المشكلة التانية انو احيانا ببعت رسالة للمريض بالموعد تبعو، فبقلي المريض هاد الموعد مو مناسب معلش نحطو بساعة تانيةـ والساعة الثانية غير متوفرة عندي وهكذا. فسجلي كير حلها بانو فيني ابعت للمريض رابط خاص فيني، فبيقدر المريض يفتح من جوالو ويحجز الموعد بعيادتي بالوقت المتاح عندي والمناسب اله, بصراحة برنامج سجلي كير لازم تجربه لانه وفر عليي انا والفريق تبعي وقت وجهد كتير.

سجلي كير امانةّ عم يكون تطبيق تنظيم عيادة بشكل كتير منظم وراقي ومريح بالتعامل، إضافة إلى كمية التعاون الكبيرة من فريق الدعم اللي بيسمعونا بكل طلب او تعديل او اقتراحات بياخدوها بعين الاعتبار. أهم شي بنظري هو خدمة مابعد البيع لانها اهم من البيع بحد ذاته. التطبيق بقدم ادارة عيادة بشكل عام من تنظيم فواتير وسجلات وفي بالتطبيق رسائل تذكيرية للمواعيد بتم ارسالا للمرضى. والمريض بيقدر يشوف ملفو كامل بدون تحميل اي تطبيق وحتى يشوف شو اشتغلنا وشو باقي عليه حساب وايمت موعده القادم. بالأضافة لان المريض قادر يحجز موعد لحالو من الرابط الخاص بالعيادة. أهم شي انو الكادر سوري مية بالمية وبنصح فيه مية بالمية

بشكل عام كان عندي دوما اشكالية تسجيل مواعيد المرضى خارج العيادة لاني كنت دوما مرتبط بدفتر مواعيد العيادة يلي مابكون موجود معي لما كون برا. فوجود التطبيق معي على الموبايل حللي هي المشكلة جذريا بدون ارتباطي بالعيادة سواء اضافة او تعديل موعد. التطبيق في خيارات متنوعة جدا من الأمور الحسابية، الادوية وبيقدر الطبيب يخصص الخيارت يلي بدو يستعملها داخل التطبيق، حتى في تذكير المرضى بالمواعيد والتأكيد عليهم وخيار اضافة اكتر من شخص معك عالتطبيق متل الممرضى لتسجل دفعات او مواعيد بحالة المراكز. التطبيق بغطي كل الشرائح من عيادة فردية لمراكز. اخر نقطه هي ان الشباب القائمين على التطبيق عندون تجاوب وخدمة دائمة ومساعدة باي وقت بنبعت فيه، وحتى انو بنتناقش معون بالتحديثات او التعديلات القادمة ومستمعين جداً.

كل تفاصيل وخدمات سجلي كير هي مميزة وحلوة كتير انا فخورة اني بلشت اتعامل معكم، اهم فكرة كانت هي سرعة التواصل واهتمامكون بكل التفاصيل. متأكدة ان رحلة التطوير حتكون مميزة وتوصل لمستويات احترافية كتير بالبصمة الخاصة فيكون. بتمنالكون التوفيق دائماً

التطبيق بصراحة اكثر من رائع، الميزات يلي بقدموها وطريقة الدعم والمتابعة كتير متعاونين وسريعين بالاستجابة. كتير قليل لتلاقي تطبيق متوفر للآيفون وهالشي جدا رائع. تنظيم المواعيد وتذكير المرضى على الواتساب يلي فرقت معي جدا عن التطبيق القديم. والله يعطيكون العافية يارب لان تجربتي جدا جدا جميلة وبنصح الكل يستعملو.

من خلال تجربتنا الشخصية مع برنامج سجلي كير في عيادتنا، لقد اثبت جدارتو بشكل رائع جدا، انتهينا من ترتيب المواعيد الورقي،ـ وصارت مواعيدنا مرتبه بطريقة ادق وحتى المرضى صارو يحجزو من عن طريق الرابط. صارت الصور الشعاعية والفوتوغرافية منسقة بشكل افضل وموجودة على الجهاز الخاص بالعيادة بعيد عن الورقيات. برأيي التطبيق رائع جداً وينصح به.